A Asociación Saúde Mental A Mariña conta con unha subvención para execución de un proxecto ao abeiro da submedida 19.2 (apoio para a realización de operación conforme á extratexia de desenvolvemento local participativo), da medida Leader do Programa de desenvolvemento rural de Galicia 2014-2020 para as anualiades 2014-2020, para as anualidades 2023 e 2024, cofinanciadas co Fondo Europeo Agrícola de Desenvolvemento Rural.

CONECTA CO MAR. O MAR É VIDA persegue o obxectivo de mellorar a calidade de vida e fomento do benestar social da persoas con enfermidade mental a través da realización de actividades vinculadas ao coñecemento e posta en valor do patrimonio cultural marítimo pesqueiro, tendo entre os seus obxectivos específicos a prevención do suicidio.

 Os resultados esperados son:

- A participación activa e regular das persoas con enfemidade mental que atendemos nas unidades residenciais da entidade nas actividades do proxecto, o que conlevará o aumento do coñecemento e posta en valor do patrimonio cultural das zoas pesqueiras.

- Establidade clínica das presoas con enfermidade mental participantes

- Maior concienciación so bre a importancia de coidar do medio mariño dunha forma activa.

O cofinanciamento deste proxecto  enmarcase dentro da prioridade 3 dunha Europa máis próxima aos seus cidadáns, fomentando o desenvolvemento integrado e sustentable de todo tipo de territorios e iniciativas locais, obxectivo específico 3.1 de posibilitar unha economía, azul sustentable nas zonas costeiras, insulares e interiores, e fomentar o desenvolvemento de comunidades pesqueiras e acuícolas, tipo de actividade 3.1.2 de estratexias de desenvolvemento local participativo, e tipo de intervención 1.4 de aplicación da estratexia de CLLD.

A ASOCIACIÓN SAÚDE MENTAL A MARIÑA continua a desenvolver o Programa “VELANDO POLA MIÑA SAÚDE INTEGRAL” que, neste ano 2024, chega a súa quinta edición. Este programa está a ser cofinanciado pola CONSELLERÍA DE PROMOCIÓN DO EMPREGO E IGUALDADE,  a través da subvención destinada á realización de programas de interese xeral para fins de carácter social dirixidos á promoción da igualdade entre mulleres e homes e de prevención e loita contra a violencia de xénero, con cargo á asignación tributaria do 0,7% do imposto sobre a renda das persoas físicas e do imposto sobre sociedade, xestionado pola SECRETARÍA XERAL DA IGUALDADE para o ano 2023.

Isto permite á entidade dar continuidade a un programa que brinda un apoio que resulta fundamental para as mulleres beneficiarias e que contribúe significativamente na mellora da súa calidade de vida.

A Consellería de Promoción do Emprego e Igualdade otorgou, á Asociación Saúde Mental A Mariña, unha subvención ao amparo da Orde do 31 de xullo de 2023 pola que se establecen as bases que regulan as axudas e subvencións para o fomento do emprego a través dos programas de cooperación no ámbito de colaboración coas entidades sen ánimo de lucro, para  o desenvolvemento do proxecto “ IMPULSA- SAÚDE MENTAL” coa contratación de catro persoas.

O Programa CONÉCTATE COA VIDA encádrase na Liña V “Programas de prevención do suicidio en poboación xeral, trastornos mentais (incluídos os trastornos aditivos)” dentro da Orde do 18 de xaneiro de 2023 pola que se establecen as bases reguladoras e se convoca, polo procedemento de anticipado de gasto, o procedemento para a concesión de subvencións destinadas á realización de programas de interese xeral para fins de carácter sociosanitario no ámbito dos trastornos mentais, da Consellería de Sanidade.

A través do Programa CONÉCTATE COA VIDA trabállase a promoción do coidado da saúde mental e prevención do suicidio, buscando sensibilizar e concienciar sobre a conduta suicida e a súa prevención, así como sobre o estigma da enfermidade mental, concienciación da enfermidade, favorecer o desenvolvemento da autoconfianza e a autoestima, traballar a comunicación asertiva e a cohesión de grupo.

A Asociación Saúde Mental A Mariña obitvo unha subvención, a través da Consellería de Política Social e Xuventude, destinada á adquisición de un vehículo que facilite a prestación de servizos a persoas dependentes ou a persoas con discapacidade, ao abeiro do Plan de recuperación, transformación e resiliencia, financiado pola Unión Europea-NextGenerationEU de conformidade co Regulamento (UE) número 2021/241, do 12 de febreiro de 2021, polo que se establece o Mecanismo de recuperación e resiliencia.

Isto permite á entidade dar continuidade a un programa que brinda un apoio que resulta fundamental para as mulleres beneficiarias e que contribúe significativamente na mellora da súa calidade de vida.

O obxectivo polo que se está a traballar a través do Programa “VELANDO POLA MIÑA SAÚDE INTEGRAL IV” é prestar apoio ás usuarias da Unidade Residencial e da Vivenda Tutelada para Mulleres Vítimas de Violencia de Xénero con Enfermidade Mental na atención integral da súa saúde. Trátase de facilitar a comprensión e asistencia e/ou seguimento das citas médicas e o cumprimento das indicacións dadas, así como de manter a estabilidade clínica favorecendo o seguimento das pautas farmacolóxicas e indicacións médicas, co fin de cumprir coas mesmas e contar co tratamento médico individualizado adaptado ás necesidades de cada usuaria.

Entre as as actuacións que se están a desenvolver atópanse os acompañamentos en citas médicas e talleres de educación para a saúde, entre outras.

A Consellería de Promoción do Emprego e Igualdade otorgou , a Asociación Saúde Mental A Mariña ,unha subvención ao amparo da Orde do 12 de xullo de 2022 pola que se establecen as bases que regulan as axudas e subvencións para o fomento do emprego a través dos programas de cooperación no ámbito de colaboración coas entidades sen ánimo de lucro, para  o desenvolvemento do proxecto “APOIO INTEGRAL- SAÚDE MENTAL” coa contratación de catro persoas.

O desenvolvemento do programa “Acondicionamento edificación residencia persoas con enfermidade mental”, financiado íntegramente pola Consellería de Sanidade, vai a permitir ampliar os dispositivos de atención das persoas con enfermidade mental e as súas familias na Comunidade Autónoma e será a segundo dispositivo destas características que xestiona a entidade.

Esta axuda  responde ao  o obxectivo temático 13 «Favorecer a reparación da crise no contexto da pandemia da COVID-19 e as súas consecuencias sociais e preparar unha recuperación verde, dixital e resiliente da economía»; prioridade de investimento 13.1 «Favorecer a reparación da crise no contexto da pandemia da COVID-19 e as súas consecuencias sociais e preparar unha recuperación verde, dixital e resiliente da economía»; obxectivo específico 13.1.2 «Apoiar o acceso ao mercado de traballo das persoas en situación de vulnerabilidade, o acceso aos sistemas sociais e as medidas de inclusión social e erradicación da pobreza» e liña de actuación 122-Apoio á inserción laboral das mulleres vítimas de violencia de xénero.

 O resultado esperado é mellorar e facilitar a inserción laboral das mulleres contratadas coas finalidade de apoiar a recuperación e a integración social e laboral destas persoas cuxa situación se viu agravada como consecuencia da crise ocasionada pola pandemia da COVID-19.

A Dirección Xeral de Emprego, Traballo Autónomo e Economía social  otorgou unha subvención ao amparo da Orde do 31 de xullo de 2020 pola que se establecen as bases que regulan as axudas e subvencións para o fomento do emprego a través dos programas de cooperación no ámbito de colaboración coas entidades sen ánimo de lucro  para contratación o desenvolvemento do proxecto Formación en coidados de saúde mental coa contratación de dúas persoas.

A Asociación de Axuda ó Enfermo Mental a Mariña percibiu unha subvención  financiada a través da Consellería de Sanidade, que solicitou a través da Federación Saúde Mental Feafes Galicia, destinada á realización de programas de interese xeral para fins de carácter sociosanitario no ámbito dos trastornos mentais e as adiccións, orientados a minimizar o impacto que a pandemia pola COVID-19 ten na saúde mental da poboación galega.

Esta axuda contempla duas liñas, unha de investimento en instalacións e equipamentos  coa cal se melloraron as instalacións e equipamentos do C.R.P.L. de Burela  e outra a través da  cal desenvolve o programa Proxima e Emociona.

SUBVENCIÓNS A ENTIDADES DE INICIATIA SOCIAL SEN ÁNIMO DE LUCRO PARA PROGRAMAS DIRIXIDOS A MULLERES EN SITUACIÓN DE ESPECIAL VULNERABILIDADE

Este ano a Asociación de Axuda ó Enfermo Mental A Mariña conta novamente cunha subvención que permite dar continuidade ó desenvolvemento do programa dirixido a mulleres en situación de especial vulnerabilidade, COIDANDO DE MIN V. Este programa está subvencionado pola Secretaría Xeral da Igualdade e o Fondo Social Europeo no marco do programa operativo FSE Galicia 2014-2020 e busca promover a igualdade, a saúde e iclusión social.

 Os resultados esperados son que, as mulleres participantes, continúen mellorando e afianzando a seguridade en sí mesmas, continúen mellorando o coñecemento da enfermidade, melloren ou manteñan a integración na comunidade, adquiriran ou melloraren estratexias de afrontamento ante situación adversas, manteñan ou aumenten a rede social de apoio e sempre prestándolles apoio naquelas situacións que o precisen.

SUBVENCIÓNS A ENTIDADES DE INICIATIA SOCIAL SEN ÁNIMO DE LUCRO PARA PROGRAMAS DIRIXIDOS A MULLERES EN SITUACIÓN DE ESPECIAL VULNERABILIDADE

A Asociación Saúde Mental A Mariña continúa desenvolvendo o programa dirixido a mulleres en situación de especial vulnerabilidade, COIDANDO DE MIN, que chega xa ao seu VI ano de realización. Este programa está subvencionado pola Consellería de Emprego e Igualdade a través da Secretaría Xeral da Igualdade.

Os resultados esperados son que as mulleres participantes continúen mellorando e afianzando a seguridade en sí mesmas, continúen mellorando o coñecemento da enfermidade, melloren ou manteñan a integración na comunidade, adquiriran ou melloraren estratexias de afrontamento ante situación adversas, manteñan ou aumenten a rede social de apoio e sempre prestándolles apoio naquelas situacións que o precisen.

Grazas a este programa conseguimos ademáis mellorar a calidade de vida do colectivo de persoas con enfermidade mental e as súa familias así como buscar unha maior igualdade e concienciación na sociedade en xeral.